Stjórnin

Halló ástardúllurnar mínar :)

2006-05-03T20:14:00.000Z

Hæ hæ hæ stelpur !
Vona að það sé allt fínt að frétta af ykkur. Ætlaði að vera löngu búin að segja frá mér og mínum högum (og eftirlætislögum .... fyrir ykkur sem hlusta á Sálina.)
Allt gengur vel hérna í útlandinu. Sólin skín, fuglarnir syngja, bíllinn minn komst í gegnum skoðun og ég veit ekki hvað og hvað.
Hafði það gott um helgina, skrapp að horfa á krikket. Minns gat ekki hætt að hlæja af því að mér leið eins og ég hafi labbað inn í kvikmynd frá um 1920 !!! hahaha, en maður verður víst á þessum velli flestar helgar í sumar, með sólarolíuna á lofti, mjúkt teppi, hvítvínsflösku og bók við hönd. Ykkur er öllum boðið að koma að sóla ykkur mér til samlætis. Sakna ykkar allra :)
Jæja, vinnan gengur vel og sambúðin gengur enn betur og ég held ég hafi aldrei verið eins hamingjusöm og einmitt í dag.... ætla samt að reyna að hlífa ykkur við öllu væmnu.
Stefni á að skella mér heim í sumar, enda er Frú Stellos búin að blása til grillveislu. Ég mun líklega koma eftir HM í fótbolta, þar sem mér verður ekki hleypt fyrr úr landi. Kallinn er heltekinn af fótbolta ! Stefni svo á að fá Kolbein í heimsókn einhvern tímann í sumar og svo koma mamma og pabbi í ágúst... Við Matthew ætlum að draga gamla manninn að sjá uppáhaldshljómsveitina hans. Það verður nú eitthvað rosalegt. Látið mig svo vita ef þið eruð á leiðinni til landsins, ég mæli með ferð til Cambridge, þar sem er miklu fallegra þar en í London og alveg snilld að versla þar !!!! Svo fáið þið að hitta mig og fyrrverandi eiginkonuna (Tinnu) !!!
Jæja, ætla að fá mér eitthvað í svanginn. Matt var að elda lasagne fyrir mig, mmmmmmm
Kyss kyss frá UK og koss til ykkar allra, eða í stafrófsröð, Koss til Birnu, koss til Guðlaugar, koss til Matthildar, koss til Sólrúnar, koss til Stellu og koss til Tinnu

Afsakið hlé - Til hamingju með afmælið Lauga

2006-05-01T09:41:00.000Z

Ég biðst afsökunar á þessari töf... en innilega til hamingju með afmælið Lauga mín.... Stórafmæli hjá þér... 25 ára skvísan.... shit og ég er orðin 27... hvar endar þetta alltsaman :)

Hvað var svo gert í tilefni dagsins ? Ég efast ekki um það að þinn heittelskaði hafi eldað fyrir þig og dekraði þig fram og til baka.... Hlakka til að koma á grímuball og fagna þessum merka áfanga með þér... hibb hibb húrra !!!

Hún átti afmæli í gær...

hún átti afmæli í gær

Hún átti afmæli hún Lauga

hún átti afmæli í gær

London ferðin..

2006-04-30T10:40:00.000Z

Við hjónin skelltum okkur semsagt út til London núna 22. apríl síðast liðinn.... og hittum þar 4 einstaklinga:

Brandarakarlana Matt og Jason... tek það fram að þessi mynd var tekin á meðan ég og Jói fórum á klósettið... voru nokkrar glæstar myndir teknar á meðan... þeim fannst við ekki vera að taka nógu flottar myndir af sér.. hahahahaha

Þessar tvær ættuð þið nú að kannast við.... Við tókum svona 2 tíma í það að tala allar 3 saman um daginn og veginn.... strákarnir sátu bara úti í horni á meðan og horfðu á fótboltann...

Ég semsagt í afmælisdressinu mínu... með þvílíkar gullkeðjur (hef það smá frá mömmu )... keypti þetta úti og var í þessu þegar við fórum út að borða á 23.hæð hótelsins... Rosalega góður matur þar uppi.. mmmmmmmm

Jói minn bauð mér út að borða og að versla á afmælisdaginn minn... ekki amarlegt það :)

Það var rosalega gaman að hitta ykkur stelpur og þegar myndasíðan mín er komin í lag þá skelli ég fleiri myndum inná síðuna mína.... Þessar verða að duga í bili...

Stella 27 ára!!!!

2006-04-24T08:19:00.000Z

og allir saman nú...hún á afmæli í dag, hún á afmæli í dag, hún á afmæli hún Stella, hún á afmæli í dag!!!! Hafðu það gott í London í dag, sæta mín. Það var ógeðslega gaman að sjá þig á Laugardaginn....

Allir að óska Stellu til hamingju með afmælið hérna.

Stella er snillingur

2006-04-18T08:42:00.000Z

Ég vil þakka henni Stellu minni fyrir að stofna fyrir mig account svo ég geti farið að blogga á Stjórnarsíðuna. Núna get ég farið að blogga eins og vitleysingur og sagt ykkur sögur frá útlandinu.... Annars er nú ekkert merkilegt að frétta af mér, bara komin aftur í vinnuna eftir snilldarpáskafrí, munur að þurfa ekki að vera að gera lokaverkefni eða læra undir próf.
Núna bíð ég bara spennt eftir að Stella komi í heimsókn næstu helgi með slúðrið frá Íslandi, hún er búin að lofa mér mjög djúsí slúðri!

Ég vona að þið eigið eftir að skemmta ykkur vel í partýinu á föstudaginn, ég vildi óska að ég gæti komið en það verður víst að bíða betri tíma....

Dýrindis matur hjá Laugu

2006-04-16T15:03:00.000Z

Mig langaði bara að þakka fyrir mig.. ég hef sjaldan komið jafn södd úr boði eins og á föstudaginn síðasta.. Lauga og Tryggvi fá 12 í einkunn fyrir frábærar veitingar, heit brauð og heitar bollur með smjöri.... át á mig gat :)

Svo langaði mig að óska ykkur gleðilegra páska... vonandi eru allir búnir að smjatta vel á páskaegginu sínu og eru sáttir með daginn

Brunch á föstudaginn langa

2006-04-11T14:30:00.000Z

Sælar stúlkur nær og fjær

Þeim Stjórnarmeðlimum sem eru á landinu á föstudaginn langa er boðið í brunch heim til mín. Mæting klukkan tólf. Allskonar góðgæti á boðstólnum.. nýbakað og ferskt. Þið þurfið ekkert að koma með neitt með ykkur :P

Kær kveðja, Lauga bakarastúlka

Hvað er í gangi einilega hjá HR ?

2006-04-09T13:35:00.000Z

heimasíðan mín er bara allt í einu dotin út...... fær ekki leyfit að setja lyefið mitt á Ftp server til að skrá mig.... hafðið þið eitthvað heyrt í þessu eða um þetta ?

www.nemendur.ru.is/stella01

Eru ekki fleiri að landa í þessu, vitið þið eitthvað um það? Endilega að láta mig vita ef þið...... :)

Stellfríður

Dagbjört á afmæli í dag

2006-04-04T08:55:00.000Z

Hún á afmæli í dag
hún á afmæli í dag
Hún á afmæli hún Dagbjört
hún á afmæli í dag

Húrra.. húrra... húrra

Innilega til hamingju með afmælið Dagbjört mín..... veit að það eru komnar 3 gjafir og ég efast ekki um að þær verði fleiri.... 18 dagar í London för hjá mér og Jóa... er bara farin að hlakka til...

19 dagar í London ferð og 1 dagur í afmæli

2006-04-03T11:54:00.000Z

Dagbjört á afmæli á morgun.... verður jafngömul mér... 19 ára.... veiiiiiii

19 dagar í London för og heilmikið af fríum framundan... gaman gaman.. Ég er mætt til vinnu aftur eftir smá "veikindi"... er hressari en engispretta (að vísu smá þreytt ) og tilbúin í að takast á við nýja vinnuviku... hibb hibb húrra...

Rjómabollur og guðalaug

2006-04-01T18:17:00.000Z

Well... ég er komin með nýja síðu.. vildi bara láta ykkur vita af því. Keypti mér hýsingu og lén.. og ætla í framtíðinni að koma með úper dúper nördasíðu með admin kerfi og meiru, en núna er þetta bara gamla síðan endurbætt (engar töflur og útlit og uppsetning skilgreint eingöngu með css).. Búin að uppfæra hlekkinn hér til hægri þannig að þið getið skoðað hana :)

En já.. rjóma(bollu)blíð úti.. og svo rjóma(bollu)partý eftir tæpan mánuð... hlakka mikið til :)

Halló gellur nær og fjær

2006-03-23T23:52:00.000Z

Kannski ég setji inn fréttir af mér..

Ég hef allt gott að segja, er bara að vinna og sofa og leika mér þessa dagana.
Ég skráði mig í átakskeppni milli RB og Seðlabankans í byrjun árs eins og sumar ykkar vita.. og í næstu viku er komið að lokum þessarar keppni... nema þegar ég verð mæld (ef ég kemst ekki hjá því) ætla ég að segjast hafa misskilið þetta... haldið að þetta væri átkeppni og það hafi átt að hækka fituprósentuna :) Er semsagt ekki búin að standa mig.. alveg þvert á móti! Ekki gott.

Var líka byrjuð á dansnámskeiði sem okkur Tryggva gengur rosa vel á.. nema við erum ekki búin að mæta síðustu þrjár vikurnar sökum annríkis í vinnunni hjá Tryggva. Mikið að gera í skóbransanum. Já og ef það var ekki sökum annríkis Tryggva þá var það ég að æfa atriði fyrir árshátíðina eða eitthvað.

Árshátíðin okkar fór fram síðustu helgi.. ekkert smá batterý að skipuleggja eitt stykki grand árshátíð fyrir 130 manns.. en svakalega gaman. Við fengum Smaladrengina til að spila í fordrykknum :) Þeir eru ekkert smá góðir :D Svo er Daníel líka að kenna okkur .Net í RB alla þriðjudaga og fimmtudaga eftir hádegi.. þannig að maður fær örlítinn gamlan skólafíling þegar hann mætir uppí RB :P
En já, segja ykkur meira frá árshátíðinni. Sextán konur í RB, meðal annarra ég, vorum með stórt atriði sem tók margar margar vikur að plana og æfa. Skiptum okkur í tvennt og 8 okkar spiluðu á prik og trommur og 8 okkar dönsuðum afródans við. Svo vorum við líka með tvo trommara með okkur. Þetta var mjööög stórt og flott atriði. Vá ég verð að sýna ykkur búninginn einhverntíma.. hann er... horrible!!! en þegar hann var kominn meðal hinna hörmulegu búninganna voru þeir allt í lagi :)
Árshátíðin var allavega svakalega skemmtileg og Millarnir og Palli og Bogomil skemmtu eitthvað fram eftir.. ég man reyndar voða lítið eftir þeim :P

Hmm.. hvað er meira að frétta. Jú, ég er að fara í brúðkaup í sumar, hún Páley sem ég var að leigja með er að fara að gifta sig í júlí :)

Well.. hugsa ég fari að koma mér í háttinn núna.. nenni ekki að bíða lengur eftir workingboy (Tryggva.. já ég sagði að það væri mikið að gera hjá honum þessa dagana)

Hvað er að frétta af mér ?

2006-03-22T18:31:00.000Z

Sælar... ég ákvað að byrja og svo er bara að sjá til hvort að aðrar fylgi ekki fast eftir...

Ég er semsagt bara búin að vera á kafi í vinnu, er að læra nokkra nýja hluti og því líður dagurinn mjög hratt, sem er bara jákvætt....

Ég fór á laugardaginn rétt uppúr 9.00 að morgni til í Smáralindina og keypti 4 miða á IDOL-ið næsta föstudag... Er semsagt að fara með frændur mína út að borða og sjá idolið með eigin augum... svaka stuð og mikil spenna... síðan fæ ég þá lánaða yfir nótt...

Ekkert hefur verið keypt nýtt inná heimilið frá því að Borðstofuborðið var keypt.. þó svo að nokkrar mublur séu á listanum... þær bíða bara betri tíma... að vísu bíð ég eftir að fá nýja símann minn og keypti mér leðurstígvél síðustu helgi.. en það telst ekki mubla.. er það nokkuð ?

Hvað eruð þið að gera og hvað er búið að gerast hjá ykkur á síðust dögum og vikum ?

Breytingar

2006-03-22T09:06:00.000Z

Ég er byrjuð að setja inn linka og svoleiðis... þið megið endilega bæta við skemmtilegu fólki og myndum...

Ætla að setja inn auglýsingu inná gömlu síðuna um að ný síða sé fædd.... vúhúúúúú....

Velkomin í heiminn

2006-03-21T16:24:00.000Z

Gerum þessa flotta og þá getum við verið duglegri að hittast og gera eitthvað skemmtó... how du u like ?